Daventar commembra u commember
Ils commembers stattan sco promoturas e promoturs en stretg contact cun l'art e cun il Museum d'art dal Grischun a Cuira e profiteschan da blers avantatgs.
L’Uniun grischuna d’art promova ensemen cun Vus l’art figurativ en il Grischun. Sco purtadra da las exposiziuns temporaras en il Museum d’art dal Grischun pudain nus grazia a Voss sustegn prezius realisar in program d’exposiziun multifar e captivant, occurrenzas interessantas e purschidas creativas.
Sco commembra u commember pudais Vus visitar l’entir onn gratuitamain il Museum d’art dal Grischun ed ulteriuras instituziuns svizras che exponan ovras d’art. En pli profitais Vus da catalogs d’exposiziun pli favuraivels e d’invits a vernissaschas ed ad occurrenzas exclusivas sco previstas e viadis d’art.
Essas Vus gia commembra u commember da l’uniun grischuna d’art? Regalai ina commembranza e pussibilitai a Vossas amias e Voss amis eveniments d’art Spezials.
Voss avantatgs
- contribuziuns da commembradi: persunas singulas 90 CHF, pèrs 150 CHF, artistas ed artists 50 CHF
- carta annuala dal Museum d’art dal Grischun
- entrada libra en 19 ulteriurs museums d’art e hallas d’art en Svizra
- catalogs d’exposiziun pli favuraivels
- invits a tut las averturas d’exposiziuns
- occurrenzas exclusivas e viadis d’art
- abunament dal bulletin d’art per in pretsch reducì
- sco commembra nova u commember nov survegnis Vus in bon per la butia dal museum en la valur da 20 CHF
Vus avais tranter 16 e 29 onns? Lura profitai dad ulteriurs avantatgs:
- contribuziun da commembradi: 20 CHF
- Bring a friend – in’entrada libra per il Museum d’art dal Grischun ed in bon per duas bavrondas en il café dal museum
Vulais Vus daventar fautura u fautur? Ils suandants avantatgs supplementars spetgan Vus:
- contribuziun da commembradi: a partir da 500 CHF
- menziun persunala en il rapport annual dal Museum d’art dal Grischun e sin la pagina-web da l’Uniun grischuna d’art
- invit ad in’occurrenza per fauturas e fauturs en il Museum d’art dal Grischun cun apero
- tut ils catalogs d’exposiziun ch’il Museum d’art dal Grischun ha publitgà durant l’onn sco regal
- a partir da 1’000 CHF survegnis Vus ina carta annuala supplementara
- a partir da 1’000 CHF regalain nus a Vus mintg’onn in’ediziun d’artist:as exclusiva
Vulais Vus daventar commembra u commember cun Vossa interpresa? Lura profitais Vus dad ulteriurs avantatgs:
- contribuziun da commembradi: a partir da 1’000 CHF
- menziun persunala en il rapport annual dal Museum d’art dal Grischun e sin la pagina-web da l’Uniun grischuna d’art
- invit ad in’occurrenza per fauturas e fauturs en il Museum d’art dal Grischun cun apero
- ina carta annuala transferibla per mintga CHF 1’000 pajads
Vulais Vus daventar commembra u commember sco vischnanca? Lura profitais Vus dad ulteriurs avantatgs:
- contribuziun da commembradi: a partir da 500 CHF (tenor dumber d’abitantas e d’abitants)
- cartas annualas transferiblas per il Museum d’art dal Grischun
- ina giada l’onn ina visita guidada cun il directur artistic u in’occurrenza tenor il basegn specific da la vischnanca
CartaCulturala
Tgi che posseda ina CartaCulturala survegn in rabat da 50% sin il commembradi annual (90 CHF) en l’Uniun grischuna d’art. Tramettai p.pl. ina copia da Vossa CartaCulturala a bkv@bkm.gr.ch.
Vus pudais visitar gratuitamain las suandantas instituziuns d’art:
Aarau: Aargauer Kunsthaus, Appenzell: museum d’art, halla d’art Ziegelhütte, Basilea: halla d’art, Bellinzona: MACHT/CACT Arte Contemporanea Ticino, Bienna: chasa d’art Centre d’art Pasquart, Fribourg: Fri-Art, Glaruna: chasa d’art, Grenchen: chasa d’art, Lucerna: museum d’art, Olten: museum d’art, Münchenstein: chasa d’art Basilea-Champagna, Schaffusa: Museum zur Allerheiligen, Son Gagl: museum d’art, halla d’art, exposiziuns en il Lagerhaus, Thun: museum d’art, Turgovia: Kunstmuseum Thurgau / Ittinger Museum, Winterthur: museum d’art, Zug: chasa d’art, Turitg: halla d’art, Shedhalle
Gönnerinnen und Gönner (ab CHF 1’000) erhalten jährlich eine Künstleredition als Geschenk:
2021: Olaf Holzapfel (Frottage)
2019/2020: Andriu Deplazes, Triptychon (Lithographie)
2018: Sara Masüger (Skulptur)
2017: Ester Vonplon (Fotografie)
2016: Zilla Leutenegger (Video)
