Protecziun da datas

Las persunas che administreschan questa pagina-web prendan fitg serius la protecziun da Vossas datas persunalas. Nus tractain Vossas datas persunalas a moda confidenziala e confurm a las prescripziuns legalas da la protecziun da datas ed a questa decleraziun davart la protecziun da datas.

A maun da questa decleraziun davart la protecziun da datas infurmain nus tge datas persunalas che nus elavurain en connex cun nossas activitads e lavurs, incl. nossa pagina-web buendner-kunstverein.ch. Nus declerain en spezial per tge intent, en tge moda e nua che nus elavurain las datas persunalas. Nus infurmain plinavant davart ils dretgs da las persunas, da las qualas nus elavurain las datas persunalas.

Per singulas u ulteriuras activitads e lavurs pon valair autras decleraziuns davart la protecziun da datas sco er ulteriurs documents legals, sco cundiziuns generalas da fatschenta, cundiziuns d’utilisaziun u cundiziuns da participaziun.

Nus essan suttamess al dretg davart la protecziun da datas svizzer sco er al dretg davart la protecziun da datas da l’exteriur eventualmain applitgabel, en spezial al Reglament general davart la protecziun da datas (RGPD) da l’Uniun europeica (UE). La Cumissiun europeica renconuscha ch’il dretg davart la protecziun da datas svizzer garantescha ina protecziun da datas adequata.

1. Adressas da contact

Responsabladad per l’elavuraziun da datas persunalas:

Uniun grischuna d’art
c/o Museum d’art dal Grischun
Via da la Staziun 35
CH-7000 Cuira

En il cas singul po insatgi auter u pon plirs acturs esser responsabel(s) per l’elavuraziun da las datas persunalas.

2. Noziuns e basas legalas

2.1 Noziuns

Datas persunalas èn tut las indicaziuns che sa refereschan ad ina persuna natirala determinada u determinabla. Ina persuna pertutgada è ina persuna, da la quala nus elavurain las datas persunalas.

Elavurar cumpiglia mintga diever da las datas persunalas, independentamain da las proceduras e dals meds applitgads e signifitga per exempel dumandar, armonisar, adattar, archivar, conservar, zavrar, communitgar, procurar, registrar, relevar, stizzar, preschentar, ordinar, organisar, memorisar, modifitgar, derasar, colliar, eliminar u duvrar datas persunalas.

Il Spazi economic europeic (SEE) cumpiglia ils stadis commembers da l’Uniun europeica (UE) sco er il Principadi da Liechtenstein, l’Islanda e la Norvegia. En il Reglament general davart la protecziun da datas (RGPD) vegn l’elavuraziun da datas persunalas numnada “Verarbeitung von personenbezogenen Daten”.

2.2 Basas legalas

Nus elavurain las datas persunalas en accord cun il dretg davart la protecziun da datas svizzer, en spezial cun la Lescha federala davart la protecziun da datas (LPD) e l’Ordinaziun davart la protecziun da datas (OPDa).

Nus elavurain – tant enavant ed uschenavant ch’il Reglament general davart la protecziun da datas è applitgabel – las datas persunalas confurm ad almain ina da las suandantas basas legalas:

• art. 6 al. 1 lit. b RGPD per l’elavuraziun necessaria da las datas persunalas per ademplir in contract cun la persuna pertutgada sco era per realisar mesiras precontractualas.
• art. 6 al. 1 lit. f RGPD per l’elavuraziun necessaria da las datas persunalas per mantegnair noss interess giustifitgads u quels da terzs, uschenavant che las libertads fundamentalas ed ils dretgs fundamentals sco er ils interess da la persuna pertutgada na predomineschan betg. Interess giustifitgads èn en spezial la realisaziun da noss interess, nossas activitads e nossas lavurs a moda durabla, segira, fidabla e favuraivla per las utilisadras ed ils utilisaders, sco era la communicaziun en quel connex, la garanzia da la segirezza d’infurmaziuns, la protecziun cunter abus, la realisaziun d’agens dretgs giuridics e l’observaziun dal dretg svizzer.
• art. 6 al. 1 lit. c RGPD per l’elavuraziun necessaria da las datas persunalas per ademplir in’obligaziun giuridica, a la quala nus essan suttamess tenor in eventual dretg applitgabel da stadis commembers en il Spazi economic europeic (SEE).
• art. 6 al. 1 lit. e RGPD per l’elavuraziun necessaria da las datas persunalas per ademplir in’incumbensa en l’interess public.
• art. 6 al. 1 lit. a RGPD per l’elavuraziun da las datas persunalas cun il consentiment da la persuna pertutgada.
• art. 6 al. 1 lit. d RGPD per l’elavuraziun necessaria da las datas persunalas per proteger interess d’impurtanza vitala da la persuna pertutgada u d’ina autra persuna natirala.

 

3. Moda, dimensiun ed intent

Nus elavurain las datas persunalas ch’èn necessarias per pudair exercitar nossas activitads e lavurs a moda durabla, segira, fidabla e favuraivla per las utilisadras ed ils utilisaders. Quai pertutga oravant tut datas persunalas da las suandantas categorias: datas d’inventari e da contacts, datas dal navigatur e d’apparats, datas da cuntegn, metadatas resp. datas perifericas e datas d’utilisaziun, datas localas, datas da vendita sco era datas da contract e da pajament.

Nus elavurain las datas persunalas durant il temp necessari per l’intent respectiv u ils intents respectivs u uschè ditg sco quai che la lescha pretenda. Datas persunalas che na ston betg pli vegnir elavuradas vegnan anonimisadas u stizzadas.

Nus pudain laschar elavurar terzs las datas persunalas, las elavurar ensemen cun terzs ubain las transmetter a terzs. Quests terzs èn surtut purschiders spezialisads, als quals nus recurrin per ina prestaziun. Nus garantin la protecziun da datas era da vart da tals terzs.

Nus elavurain datas persunalas da princip mo cun il consentiment da las persunas pertutgadas. Tant enavant ed uschenavant che l’elavuraziun è giuridicamain admissibla, pudain nus desister da dumandar il consentiment. Nus pudain per exempel elavurar senza consentiment las datas persunalas per ademplir in contract, per ademplir obligaziuns giuridicas u per mantegnair interess predominants.

Nus elavurain plinavant datas persunalas che nus obtegnain da terzs, che nus procurain da funtaunas accessiblas publicamain u che nus relevain faschond nossas activitads e lavurs, tant enavant ed uschenavant che l’elavuraziun è giuridicamain admissibla.

4. Communicaziun

Nus elavurain datas persunalas per pudair communitgar cun terzs. En quest rom elavurain nus surtut datas ch’ina persuna pertutgada transmetta cun l’emprim contact, per exempel per posta u e-mail. Questas datas pudain nus memorisar en in cudesch d’adressas u cun meds d’agid cumparegliabels.

Terzs che transmettan datas d’autras persunas èn obligads da garantir la protecziun da datas visavi las persunas pertutgadas. Tranter auter sto vegnir garantì la correctadad da las datas persunalas transmessas.

Nus nizzegiain servetschs selecziunads da purschiders adattads per pudair communitgar meglier cun terzs.

5. Candidaturas

Nus elavurain datas persunalas da candidatas e candidats, uschenavant che quellas èn necessarias per valitar la qualificaziun per ina relaziun da lavur u per ademplir pli tard in contract da lavur. Las datas persunalas necessarias resultan en spezial da las indicaziuns dumandadas per exempel en il rom d’ina publicaziun d’ina plazza libra. Nus pudain publitgar plazzas libras cun agid da terzs adattads, per exempel en medias electronicas e stampadas u sin portals da jobs e plattafurmas da plazzas.

Nus elavurain plinavant datas persunalas che candidatas e candidats communitgeschan u publitgeschan voluntarmain, cunzunt sco part d’in fegl accumpagnant, curs da la vita u auters documents da candidatura sco era da profils online.

Nus elavurain – tant enavant ed uschenavant ch’il Reglament general davart la protecziun da datas RGPD) è applitgabel – las datas persunalas da candidatas e candidats en spezial tenor l’art. 9 al. 2 lit. b RGPD.

6. Segirezza da las datas

Nus prendain las mesiras tecnicas ed organisatoricas adattadas per garantir ina segirezza da las datas adequata a la ristga respectiva. Cun agid da nossas mesiras garantin nus en spezial la confidenzialitad, la disponibilitad, la transparenza e l’integritad da las datas persunalas elavuradas, però senza pudair garantir la segirezza da las datas absoluta.

L’access a nossa pagina-web ed a nossa ulteriura preschientscha online succeda cun ina codaziun da transport (SSL/TLS, cunzunt cun Hypertext Transfer Protocol Secure, HTTPS). La gronda part dals navigaturs marchescha codaziuns da transport cun in pitschen marschlos en la trav da l’adressa.

Nossa communicaziun digitala è suttamessa – sco da princip l’entira communicaziun digitala – a la surveglianza generala senza raschun e suspect da vart d’autoritads da segirezza da la Svizra, en il rest da l’Europa, en ils Stadis Unids da l’America (USA) ed en auters pajais. Nus na pudain betg influenzar directamain l’elavuraziun correspundenta da las datas persunalas tras servetschs secrets, posts da polizia ed autras autoritads da segirezza. Nus na pudain era betg excluder che singulas persunas pertutgadas vegnian survegliadas cun intenziun.

7. Datas persunalas a l’exteriur

Nus elavurain las datas persunalas da princip en Svizra ed en il Spazi economic europeic (SEE). Nus pudain dentant er exportar resp. transmetter las datas persunalas en auters stadis, en spezial per las elavurar u laschar elavurar là.

Nus pudain exportar las datas persunalas en tut ils stadis e territoris sin quest mund sco er insanua auter en l’univers, premess ch’il dretg local garanteschia ina protecziun da datas adequata tenor il conclus dal Cussegl federal svizzer sco era – tant enavant ed uschenavant ch’il Reglament general davart la protecziun da datas RGPD) è applitgabel – tenor il conclus da la Cumissiun europeica.

Nus pudain transmetter las datas persunalas en stadis senza ina lescha che garantescha ina protecziun da datas adequata, premess che la protecziun da datas vegnia garantida autramain, en spezial a basa da clausulas da standard davart la protecziun da datas u a maun d’ulteriuras garanzias adattadas. Excepziunalmain pudain nus exportar datas persunalas en stadis senza ina protecziun da datas adequata u adattada, sche las premissas spezialas dal dretg davart la protecziun da datas èn ademplidas, per exempel il consentiment explicit da las persunas pertutgadas u in connex direct cun la conclusiun u l’adempliment d’in contract. Sin dumonda da persunas pertutgadas dain nus gugent scleriment davart eventualas garanzias u furnin ina copia da talas.

8. Dretgs da persunas pertutgadas

8.1 Dretgs tenor il dretg davart la protecziun da datas

Nus concedin a persunas pertutgadas tut ils dretgs tenor il dretg davart la protecziun da datas applitgabel. Persunas pertutgadas han en spezial ils suandants dretgs:

• Infurmaziun: Persunas pertutgadas pon pretender da vegnir infurmadas, schebain nus elavurain lur datas persunalas e tgeninas. Persunas pertutgadas survegnan plinavant las infurmaziuns necessarias per far valair lur pretaisas tenor il dretg davart la protecziun da datas e per garantir la transparenza. Questas infurmaziuns cumpiglian las datas persunalas sco talas, ma tranter auter er indicaziuns areguard l’intent da l’elavuraziun, la durada da conservaziun, in’eventuala communicaziun resp. in eventual export da las datas en auters stadis e la derivanza da las datas persunalas.
• Rectificaziun e restricziun: persunas pertutgadas pon laschar rectifitgar datas persunalas incorrectas, cumplettar datas incumplettas e restrenscher l’elavuraziun da lur datas.
• Stizzada e cuntradicziun: persunas pertutgadas pon laschar stizzar datas persunalas («dretg ad emblidanza») e cuntradir a l’elavuraziun futura da lur datas.
• Restituziun e transmissiun da datas: persunas pertutgadas pon pretender la restituziun da datas persunalas u la transmissiun da lur datas ad in auter responsabel.

Nus pudain suspender, restrenscher u refusar l’exercizi dals dretgs da persunas pertutgadas en il rom giuridicamain admissibel. Nus pudain render attentas persunas pertutgadas ad eventualas premissas che ston vegnir ademplidas per pudair far diever da lur dretgs tenor il dretg davart la protecziun da datas. Per exempel pudain nus refusar per part u dal tuttafatg da dar scleriment, renviond a secrets d’affar u a la protecziun d’autras persunas. Plinavant pudain nus era refusar per part u dal tuttafatg da stizzar datas persunalas cun renviar a las obligaziuns da conservaziun legalas.

Per far diever dals dretgs pudain nus excepziunalmain metter a quint custs. Nus infurmain persunas pertutgadas ordavant davart eventuals custs.

Nus essan obligads d’identifitgar cun mesiras adequatas persunas pertutgadas che pretendan scleriment u che fan valair auters dretgs. Persunas pertutgadas èn obligadas da cooperar.

8.2 Protecziun giuridica

Persunas pertutgadas han il dretg da far valair lur pretensiuns tenor il dretg davart la protecziun da datas sin via legala u da purtar plant resp. da recurrer a l’autoritad da surveglianza per la protecziun da datas cumpetenta.

L’autoritad da surveglianza per la protecziun da datas cumpetenta per plants da persunas pertutgadas cunter responsabels privats ed organs federals en Svizra è l’Incumbensà federal per la protecziun da datas e per la transparenza (IFPDT).

Las autoritads europeicas da surveglianza per la protecziun da datas cumpetentas per plants da persunas pertutgadas èn – tant enavant ed uschenavant ch’il Reglament general davart la protecziun da datas (RGPD) è applitgabel – organisadas sco commembras en la Cumissiun europeica per la protecziun da datas. En insaquants stadis commembers dal Spazi economic europeic (SEE) èn las autoritads da surveglianza structuradas a moda federalistica, surtut en Germania.

9. Diever da la pagina-web

9.1 Cookies

Nus pudain far diever da cookies. Cookies – agens cookies (First-Party-Cookies) sco era cookies da terzs che nus duvrain per trair a niz lur servetschs (Third-Party-Cookies) – èn datas che vegnan memorisadas en il navigatur. Questas datas memorisadas na ston betg sa limitar a cookies tradiziunals en furma da text.

«Session Cookies» vegnan memorisads temporarmain e stizzads automaticamain, cura ch’ins serra il navigatur e cookies permanents vegnan memorisads per in spazi da temp definì. Cookies pussibiliteschan a nus en spezial da reconuscher in navigatur tar la proxima visita da nossa pagina-web. Uschia pudain nus per exempel mesirar la derasaziun da nossa pagina-web. Cookies permanents pon però tranter auter era vegnir duvrads per marketing online.

En las configuraziuns dal navigatur pon ins da tut temp deactivar e stizzar cumplettamain u ina part dals cookies. Senza cookies na stattan dentant eventualmain betg a disposiziun pli tut las funcziuns da nossa pagina-web. Nus supplitgain activamain da dar il consentiment – almain tant enavant ed uschenavant ch’igl è necessari – da pudair far diever da cookies.

Per ils cookies che vegnan duvrads per mesirar il success e la derasaziun ubain per far reclama datti per numerus servetschs la pussaivladad da far in’opposiziun generala («Opt-out») via AdChoices (Digital Advertising Alliance of Canada), Network Advertising Initiative (NAI), YourAdChoices (Digital Advertising Alliance) ubain Your Online Choices (European Interactive Digital Advertising Alliance, EDAA).

9.2 Protocollaziun

Per mintga access a nossa pagina-web ed a nossa ulteriura preschientscha online pudain nus protocollar almain las suandantas indicaziuns, premess che quellas vegnian transmessas a nossa infrastructura digitala en connex cun l’access: data e temp incl. zona d’urari, adressa IP, status d’access (codaziun da status HTTP), sistem operativ incl. interfatscha d’utilisaziun e versiun, navigatur incl. lingua e versiun, singulas sutpaginas consultadas incl. la quantitad da datas transmessa, l’ultima pagina-web consultada en la medema fanestra dal navigatur (“referer” resp. “referrer”).

Nus protocollain questas indicaziuns, che pon era represchentar datas persunalas, en datotecas da protocol. Las indicaziuns èn necessarias per pudair metter a disposiziun nossa preschientscha online a moda durabla, fidabla e favuraivla per las utilisadras ed ils utilisaders. Las indicaziuns èn plinavant necessarias per pudair garantir la segirezza da las datas – era da vart da terzs u cun agid da terzs.

9.3 Pixel spiun

Nus pudain integrar pixels spiuns en nossa preschientscha online. Pixels spiuns numn’ins era web-beacons. Tar pixels spiuns – era da terzs, dals quals nus tirain a niz servetschs – sa tracti per regla da pitschens maletgs invisibels u scripts formulads cun JavaScript che vegnan activads automaticamain cun l’access a nossa preschientscha online. Cun agid da pixels spiuns pon vegnir memorisadas almain las medemas indicaziuns sco en datotecas da protocol.

10. Avis e messadis

Nus tramettain avis e messadis per e-mail e via auters chanals da communicaziun sco per exempel Instant Messaging u SMS.

10.1 Mesiraziun dal success e da la derasaziun

Avis e messadis pon cuntegnair weblinks u pixels spiuns che registreschan, schebain ins ha avert in singul messadi e sin tge weblinks ch’ins ha cliccà. Ils weblinks e pixels spiuns pon registrar er il diever persunal d’avis e messadis. Nus duvrain questa registraziun statistica dal diever per mesirar il success e la derasaziun ed uschia pudair trametter – sin fundament dals basegns e las disas da leger da las destinaturas e dals destinaturs – avis e messadis a moda effectiva, durabla, segira e fidabla sco era favuraivla a las utilisadras ed als utilisaders.

10.2 Consentiment ed opposiziun

Vus stuais da princip dar il consentiment al diever da Vossa adressa dad e-mail e da Vossas ulteriuras adressas da contact, nun ch’il diever saja admissibel per auters motivs giuridics. Per eventualmain dumandar in consentiment confermà dublamain pudain nus far diever da la procedura da «Double Opt-in». En quel cas survegnis Vus in messadi cun instrucziuns per il consentiment dubel. Per motivs da cumprova e da segirezza pudain nus protocollar consentiments obtegnids incl. l’adressa dad IP ed il bul dal temp.

Vus pudais da princip da tut temp As opponer a la retschavida d’avis e da messadis sco per exempel da newsletters. Il medem mument pudais Vus As opponer a la registraziun statistica dal diever per mesirar il success e la derasaziun. Resalvads restan avis e messadis necessaris en connex cun nossas activitads e lavurs.

10.3 Interpresas da servetschs per avis e messadis

Nus tramettain avis e messadis cun agid d’interpresas da servetschs spezialisadas.

Nus faschain diever en spezial da:

• Mailchimp: plattafurma da communicaziun; purschidra: The Rocket Science Group LLC DBA Mailchimp (USA) sco societad affiliada dad Intuit Inc. (USA); indicaziuns davart la protecziun da datas: decleraziun davart la protecziun da datas (Intuit) incl. «determinaziuns specificas da pajais e regiuns» («Country and Region-Specific Terms»), «dumondas frequentas en connex cun la protecziun da datas tar Mailchimp», «Mailchimp e transmissiuns da datas europeicas», «segirezza» («Security»), directivas per il diever da cookies, «dumondas en connex cun il dretg davart la protecziun da datas» («Privacy Rights Requests»), «disposiziuns giuridicas».

 

11. Medias socialas

Nus essan preschents sin plattafurmas da las medias socialas e sin autras plattafurmas online per pudair communitgar cun persunas interessadas sco era per pudair infurmar davart nossas activitads e lavurs. En connex cun quellas plattafurmas pon datas persunalas era vegnir elavuradas ordaifer la Svizra ed il Spazi economic europeic (SEE).

I valan mintgamai era las cundiziuns generalas da fatschenta, las cundiziuns d’utilisaziun e las decleraziuns davart la protecziun da datas ed ulteriuras prescripziuns dals singuls gestiunaris da las plattafurmas. Las prescripziuns infurmeschan en spezial davart ils dretgs – per exempel il dretg d’infurmaziun – da persunas pertutgadas directamain visavi la plattafurma respectiva.

Per nossa preschientscha sin Facebook incl. ils uschenumnads insights da la pagina essan nus – tant enavant ed uschenavant ch’il Reglament general davart la protecziun da datas RGPD) è applitgabel – responsabels communablamain cun Meta Platforms Ireland Limited (Irlanda). Meta Platforms Ireland Limited fa part da las interpresas da Meta (tranter auter en l’USA). Ils insights da la pagina dattan scleriment co che las visitadras ed ils visitaders interageschan cun nossa preschientscha da Facebook. Nus faschain diever dad insights da la pagina per pudair metter a disposiziun nossa preschientscha sin Facebook a moda effectiva e favuraivla per las utilisadras ed ils utilisaders.

Ulteriuras indicaziuns davart la moda, la dimensiun e l’intent da l’elavuraziun da las datas, davart ils dretgs da las persunas pertutgadas sco era las datas da contact da Facebook e da l’incumbensà per la protecziun da datas da Facebook chattais Vus en la decleraziun davart la protecziun da datas da Facebook. Nus avain fatg cun Facebook l’uschenumnà «Supplement per responsabels» ed essan qua tras ans cunvegnids che Facebook è responsabel per garantir ils dretgs da las persunas pertutgadas. Per ils uschenumnads insights da paginas chattais Vus las indicaziuns correspundentas sin la pagina «Infurmaziuns davart insights da paginas» incl. «Infurmaziuns davart datas d’insights da paginas».

12. Servetschs da terzs

Nus tirain a niz servetschs da terzs spezialisads per pudair exercitar nossas activitads e lavurs a moda durabla, segira, fidabla e favuraivla per las utilisadras ed ils utilisaders. Cun quels servetschs pudain nus tranter auter integrar funcziuns e cuntegns en nossa pagina-web. En quest connex registreschan ils servetschs tratgs a niz per motivs tecnics indispensabels almain temporarmain las adressas IP da las utilisadras e dals utilisaders.

Per intents statistics, tecnics e relevants per la segirezza indispensabels pon terzs, dals quals nus tirain a niz servetschs, elavurar datas agregadas, anonimisadas u pseudonimisadas en connex cun nossas activitads e lavurs. I sa tracta per exempel da datas da prestaziun u da diever per pudair porscher il servetsch respectiv.

Nus duvrain en spezial:

• servetschs da Google: purschidras: Google LLC (USA) / Google Ireland Limited (Irlanda) per utilisadras ed utilisaders en il Spazi economic europeic ed en Svizra; indicaziuns generalas davart la protecziun da datas: «princips per la protecziun da datas e la segirezza», decleraziun davart la protecziun da datas, «Google è obligada d’observar las leschas davart la protecziun da datas applitgablas», «mussavia per la protecziun da datas en products da Google», «Co che nus duvrain datas da paginas-web u apps che tiran a niz noss servetschs» (indicaziuns da Google), «tips per cookies e tecnologias sumegliantas che Google dovra», «reclama che ti pos influenzar» («reclama persunalisada»).

 

12.1 Infrastructura digitala

Nus tirain a niz servetschs da terzs spezialisads per pudair utilisar infrastructura digitala necessaria en connex cun nossas activitads e lavurs.

Quai èn per exempel servetschs da hosting e d’arcun da purschiders tschernids.

Nus duvrain en spezial:

• exigo: hosting; purschidra: exigo ag (Svizra); indicaziuns davart la protecziun da datas: decleraziun davart la protecziun da datas, «protecziun/segirezza da datas».

 

12.2 Cuntegns digitals audiovisuals

Nus tirain a niz servetschs da terzs spezialisads per pussibilitar la reproducziun directa da cuntegns digitals audiovisuals sco per exempel musica u podcasts.

Nus duvrain en spezial:

• Captivate: hosting da podcasts; purschidra: Captivate Audio Ltd. (Reginavel Unì); indicaziuns davart la protecziun da datas: decleraziun davart la protecziun da datas, «decleraziun davart la protecziun da datas per audituras ed auditurs» («Privacy Policy for Listeners»), directivas per cookies.
• YouTube: plattafurma da videos; purschidra: Google; indicaziuns specificas per YouTube: «center per la protecziun da datas e da segirezza», «mias datas sin YouTube».

 

12.3 Scrittiras

Nus tirain a niz servetschs da terzs per pudair includer scrittiras sco er icons, logos e simbols en nossa pagina-web.

Nus duvrain en spezial:

• Adobe Fonts: scrittiras; purschidras: Adobe Inc. (USA) per utilisadras ed utilisaders en l’America dal Nord / Adobe Systems Software Ireland Limited (Irlanda) per utilisadras ed utilisaders en il rest dal mund; indicaziuns davart la protecziun da datas: «center per la protecziun da datas dad Adobe», decleraziun davart la protecziun da datas (Adobe Fonts), decleraziun davart la protecziun da datas (Adobe), «Dumondas davart la protecziun da datas?», «parameters da la protecziun da datas dad Adobe».

 

13. Extensiuns per la pagina-web

Nus faschain diever d’extensiuns per nossa pagina-web per pudair duvrar ulteriuras funcziuns. Nus pudain trair a niz servetschs selecziunads da purschiders adattads u duvrar talas extensiuns sin l’atgna infrastructura da server.

Nus duvrain en spezial:

• Google reCAPTCHA: protecziun cunter spam (distingua tranter cuntegns giavischads d’umans e cuntegns nungiavischads da bots e spam); purschidra: Google; indicaziuns specificas per Google reCAPTCHA: «Tge è reCAPTCHA?».

 

14. Mesiraziun dal success e da la derasaziun

Nus empruvain d’eruir co che nossa purschida online vegn duvrada. En quel rom pudain nus per exempel mesirar il success e la derasaziun da nossas activitads e lavurs sco era l’effect da la colliaziun da terzs a nossa pagina-web. Plinavant pudain nus tranter auter er empruvar e cumparegliar co ch’i vegn fatg diever da differentas parts u versiuns da nossa purschida online (metoda «A/B-Test»). Sin fundament dals resultats da la mesiraziun dal success e da la derasaziun pudain nus surtut eliminar sbagls, rinforzar cuntegns populars u meglierar nossa purschida online.

Per mesirar il success e la derasaziun vegnan per il solit memorisadas las adressas IP da singulas utilisadras e singuls utilisaders. Adressas IP vegnan en quest cas da princip scursanidas («IP-Masking») per observar, grazia a la pseudonimisaziun correspundenta, il princip da minimisaziun da las datas.

Per mesirar il success e la derasaziun pon vegnir utilisads cookies e creads profils d’utilisader. Eventuals profils d’utilisader pon cumpigliar per exempel las singulas paginas visitadas u ils cuntegns consultads sin nossa pagina-web, indicaziuns davart la grondezza dal monitur u da la fanestra dal navigatur e la posiziun – almain approximativa. Da princip vegnan eventuals profils d’utilisader creads exclusivamain a moda pseudonimisada e betg duvrads per identifitgar singulas utilisadras e singuls utilisaders. Singuls servetschs da terzs, durant ils quals las utilisadras ed ils utilisaders èn annunziads, pon eventualmain allocar il diever da nossa purschida online al conto u al profil d’utilisader dal servetsch respectiv.

Nus duvrain en spezial:

• Google Analytics: mesiraziun dal success e da la derasaziun; purschidra: Google; indicaziuns specificas per Google Analytics: mesiraziun er en differents navigaturs e sin plirs apparats (Cross-Device Tracking) sco era cun adressas IP pseudonimisadas che vegnan transmessas mo excepziunalmain a moda cumpletta a Google en l’USA, «protecziun da datas», «add-on per il navigatur per deactivar Google Analytics».

 

15. Disposiziuns finalas

Nus avain elavurà questa decleraziun davart la protecziun da datas cun agid dal generatur da decleraziuns davart la protecziun da datas da la firma Datenschutzpartner.

Nus pudain da tut temp adattar e cumplettar questa decleraziun davart la protecziun da datas. Nus vegnin ad infurmar en ina furma adattada davart talas adattaziuns e cumplettaziuns, en spezial cun publitgar la decleraziun davart la protecziun da datas respectiva actuala sin nossa pagina-web.