Visitas guidadas
Il museum d'art dal Grischun a Cuira organisescha regularmain visitas guidadas tar las exposiziuns e preschentaziuns da las collecziuns. I na dovra nagina annunzia. La visita guidada è inclusa en il pretsch d'entrada dal museum. Per commembers da l'Uniun grischuna d'art èn las visitas guidadas gratuitas. Las visitas guidadas publicas vegnan offertas en tudestg.
Durant in tur da 60 minutas emprendais Vus d’enconuscher l’exposiziun entira e tschertas ovras pli detagliadamain, e quai sut la direcziun cumpetenta da nossas intermediaturas e da noss intermediaturs d’art.
Ina pausa da mezdi tut speziala As porscha il museum d’art dal Grischun. En 30 minutas scuvris Vus – grazia a la savida fundada da nossa intermediatura u da noss intermediatur d’art – ina tscherta ovra da la collecziun u d’ina exposiziun. Suenter l’inspiraziun artistica chattais Vus il daletg culinaric en noss café da museum cultivà, avant che Vus As deditgais inspirada u inspirà puspè al mintgadi (regularmain, mintgamai da las 12.30 fin las 13.00)
Visitas guidadas publicas, Occurrenzas spezialas, Art sur mezdi, Lavuratoris tar il Museum d’art dal Grischun.
