Café dal museum
Il café dal museum en las stanzas pumpusas da la Villa Planta è ina part impurtanta dal Museum d'art dal Grischun. Las visitadras ed ils visitaders pon concluder qua lur visita u era sa fermar qua senza ina visita dal museum e giudair in toc petta ed in café u ina pitschna tschavera.
L’Uniun grischuna d’art è responsabla per il café dal museum en il rom d’ina cunvegna tranter il chantun Grischun e l’Uniun grischuna d’art. Il café sa chatta en l’anteriura stiva da la Villa Planta, construida dal 1874-1875 da l’architect Johannes Ludwig.
Uras d’avertura
mardi fin dumengia: 9.00 –17.00
Menus da mezdi
Il café dal museum porscha mintga di in auter menu da mezdi. Cun bler scharm e cordialitad As servan la manadra Christina Lindquist e ses team products regiunals frestgs dal martgà en in ambient particular. Igl è recumandabel da reservar a temp (+41 81 257 28 90 u ).
Brunch d’ensolver en il café dal museum
La fin d’emna As porscha il café dal museum in ensolver exquisit cun products biologics regiunals e stagiunals. Cumenzai la fin d’emna cun paun da la chasa, pastizarias, charn setgentada e chaschiel d’alp dal Grischun, jogurt, buglia da Bircher e sucs da fritga frestgs. Ed era las spezialitads da café e da té pudais Vus giudair a discreziun.
Gault&Millau
Istoric ed artistic: il renumà guid da restaurants Gault&Millauha publitgà sut il titel «Hot Ten» ina rangaziun dals diesch pli bels cafés en Svizra. Sin questa glista figurescha il café dal museum en la Villa Planta! Ils pli bels cafés da la Svizra èn vegnids tschernids da la Lia svizra per la protecziun da la patria.
Nus engraziain a la manadra Christina Lindquist ed a ses team per lur lavur engaschada.
Vossa occurrenza
Il Museum d’art dal Grischun a Cuira è il lieu ideal per Vossa occurrenza. Dumandadas èn tranter auter visitas guidadas persunalas u contemplaziuns da maletgs tematicas a basa d’in patratg da Vossa vart. Ultra da quai porscha l’intermediaziun d’art lavuratoris en l’atelier generus che pon vegnir adattads tematicamain a Voss giavischs.
Vossa occurrenza pudais Vus cumplettar cun ina purschida culinarica. Nossa manadra dal café dal museum realisescha Voss apero, cocktail riche, dinner u lunch cun blera creativitad e tenor Voss budget. Il Museum d’art dal Grischun As dat gugent ulteriuras infurmaziuns e sustegna Vossa idea fin a la realisaziun (formular d’annunzia per Vossa occurrenza).
